ס'קען זײַן אַז איר האָט אַ בסודיקן חובֿ

מיר קענען האַלטן אײַער חובֿ פֿאַר בסודיק. אויך אַנדערע ענינים, למשל, עקסמיסיעס, קענען זײַן בסודיקע. דאַן איז די אינפֿאָרמאַציע נישט מער עפֿנטלעך. דאָס הײסט אַז מיר טאָר נישט דערצײלן עמעצן װעגן דעם.

װי אַזוי מאַכט מען אַן ענין בסודיק?

איר קענט אַפּליקירן אויף בסודיקײט. אײַער חובֿ איז אויטאָמאַטיש בסודיק אויב דער ענין קען נאָכקומען אונדזערע פֿאָדערונגען. טאָמער איז אַ חובֿ בסודיק, מוזן די קרעדיט־אַגענטורן אויסמעקן די אינפֿאָרמאַציע װעגן אײַער חובֿ.

װעלכע פֿאָדערונגען זײַנען דאָ?

נאָר די חובֿות װאָס איז געװען אַן ענין פֿאַר דער דורכפֿיר־אַגענטור קענען זײַן בסודיקע. פֿונעם 1טן דעצעמבער 2018 האָט מען די כּללים װעגן בסודיקײט פֿאַרענדערט.

מען פֿאָדערט די אָ זאַכן כּדי מע זאָל האַלטן אַ חובֿ פֿאַר בסודיק:

• איר האָט נישט געהאַט קײן נײַע חובֿות אין משך פֿון די לעצטע צװײ יאָר.
• איר האָט באַצאָלט דעם גאַנצן חובֿ מיטן פּראָצענט און פֿאַרשײדנע אָפּצאָלן. אָדער האָט דער װאָס האָט אַ רעכט צו דער באַצאָלונג, דעם ענין צוריקגענומען.
• איר טאָר נישט האָבן קײן נײַע חובֿות אין משך פֿון די קומענדיקע צװײ יאָר, נאָך דעם װאָס מיר האָבן געמאַכט אײַער חובֿ בסודיק.

טאָמער, איר האָט באַצאָלט אַ חובֿ װאָס האַנדלט זיך װעגן נישט באַצאָלטע שטײַערן, אַלימענטן אָדער געלטשטראָפֿן (אַלגעמײנע חובֿות) פֿאַר דעם לעצטן באַצאָל־טאָג װערט אײַער חובֿ אויטאָמאַטיש בסודיק. די דאָזיקע כּללים איז נאָר פֿאַר אינדיװידן אָן קײן פֿירמע, און נאָר פֿאַר חובֿות צו דער מלוכה, קאָמונעס אָדער קאַונטיס. דער חובֿ מוז אויך זײַן רעגיסטרירט אין אונדזער רעגיסטער פֿאַר דעם 1טן דעצעמבער 2018

די כּללים װעגן בסודיקײט איז גילטיק אויך אויב מען האָט נײַע חובֿות אין משך פֿון די קומענדיקע צװײ יאָר. טאָמער, האָט איר באַצאָלט אײַער אַלטן חובֿ און האָט אַ נײַעם, װערט דער אַלטער חובֿ עפֿנטלעך נאָר אויב איר נישט באַצאָלט דעם נײַעם חובֿ צו דער צײַט.

תּמיד עפֿנטלעכע אינפֿאָרמאַציע

עס זײַנען אויך פֿאַראַן אינפֿאָרמאַציעס װעלכע זײַנען געװען דאָ אויף דער דורכפֿיר־אַגענטור װאָס קענען נישט װערן בסודיקע אינפֿאָרמאַציעס. עס קען זײַן חובֿות צו אי אינדיװידן אי פֿירמעס. עס האַנדלט זיך װעגן חובֿות װוּ מיר האָבן זײ פֿעסטגעשטעלט מיט אַ באַשלוס. אַזוינע חובֿות זײַנען תּמיד עפֿנטלעכע. מע קען אַזאַ באַשלוס אויסמײַדן דורך גיך באַצאָלן דעם חובֿ, פֿאַר דעם װאָס מיר הײבן אָן מיט אַן אויספֿאָרשונג.

װאָס װעט געשען אויב איר קענט נישט נאָכקומען די פֿאָדערונגען?

טאָמער, איר קענט נישט נאָכקומען די פֿאָדערונגען איז אײַער חובֿ אַן עפֿנטלעכער.

װײַטער אינפֿאָרמאַציע און אַ רשימה מיט קרעדיט־אַגענטורן זײַנען דאָ אויפֿן װעבזײַטל פֿון דער דאַטן־אינספּעקציע.