Te isi tut borči disave vlasteske

Te isi tut borči disave vlasteske ja pale komunakem o jekto ljil so avela tuke amendar i ”Borči te platine”.

Te isi tut borči e vlastenge ja pale komunenge tegani na avela tuke amendar o ljil angloplatibaskoro vakeribe. E jekto lileskoro anav i ”Borči te platine”.

Save i o obična borčija e vlastenge?

Ake disave primeria bašo obična borčija e vlastenge:

• porezeskoro borči e Skatteverketske
• borči bašo CSN. Odova šaj ko primer te ovel odoleske so leljan studiribaskoro krediti hem isi tut pharipa te irane palal odova.

Kaske hem keda trebela te irane o borči?

O vlasti, ko primer o Skatteverket, mangela te platinel pe oleske palal hem odoleske bičhalela jek platibaskoro rodibe ki amende bašo tlo borči. Tu ka platine o borči amende ko Kronofogden. O paluno platibaskoro datum terdžola ko ljil.

Mislineja kaj e platibaskoro rodibe i načačo?

Tu te mislineja kaj o platibaskoro rodibe i načačo tegani ka kontaktirine odole vlaste so rodela tutar te platine. Ama ma bistre kaj uzal odova da so tu kontaktirineja olen, tu mora te platine o o borči amende angleder te nakhel o paluno platibaskoro dive.

So ovela te na platinea?

Te na platinea ko vreme tegani amen laja te kera rodkerin (istraga) baši tli ekonomija, palo odova šaj amen te konfiskirina

• love tari tli plata ja pale
• buča, mangela te phenel pe taro odova so isi tut.

Odova značinela kaj amen šaj te cida love tari tli plata ja te bikna tari tlo isiba, ko primer jek vrda ja pale stani/kher, kaj te platinel pe tlo borči.