Min bargu

Mis lea čielga bargu. Mii veahkehit dan gii ii leat ožžon mávssu ja doarjut ja addit ráđiid dasa gii galgá máksit. Mii fuolahit maid ahte mávssut dáhpáhuvvet vuoiggalaččat. Ráđđehus dat mearrida juohke jagi got mii galgat doaimmahit min barggu ja maid mii galgat vuoruhit.

Bargu ráđđehusas

Ráđđehus addá midjiide bargguid Njuolggadusas rávvagiiguin Ruvnnafáldeeiseváldái. Ráđđehusreive muitala got mii galgat doaimmahit min barggu ja maid mii galgat vuoruhit jagi áigge. Ráđđehusa bargu midjiide lea ahte mii galgat:

• veahkehit sihkkarastit almmolaš suorggi ruhtadeami,
• oaččuhit bures doaibmi servodaga riikkavuložiidda ja fitnodateallimii,
• vuosttildit rihkolašvuođa.

Barggu mii juohkit Vearrodoaimmahagain ja duollodoaimmahagain.

Got mii dan dahkat?

Mii čađahit barggu gohcimiin ahte das geas lea riekti oažžut mávssu oažžu dan. Dat sáhttet leahkit eiseválddit, gielddat, fitnodagat dehe priváhtaolbmot geat ohcet min veahki mávssu oažžumii.

Mii doarjut maid dan gii galgá máksit velggiidis ja fuolahit ahte máksimat dáhpáhuvvet vuoiggalaččat. Dan mii dahkat earet eará bargamiin ovddalgihtii eastademiin, fállamiin vealgesanerema ja veahkehemiin nákkuin mat eai guoskka máksima, ovdamearkka dihte ádjima aktavuođas.

Mii eat goassege bealuš dehe vuosttil geange oasálaččain.

Maid mii vel dahkat?

Muhto mii dahkat olu eanet. Dá bohtet ovdamearkkat moatti min eará bargguin:

• Dat gii lea garra vealggi vuoláš sáhttá ohcat vealggesanerema mis. Mii doarjut nu ahte vealggevuloš sáhttá beassat ruovttoluotta eallimii vealggihaga.
• Mii ovttasbargat sierra eiseválddiiguin, fitnodagaiguin ja organisašuvnnaiguin unnidan dihte garra vealggevuloš olbmuid logu servodagas, dat mearkkaša unnidit joavkku mas leat ?bissovaš váttisvuođat máksit velggiideaset.
• Mii dárkkistit konkursadoaibmaolbmo reastaluvvamiid gieđahallama.
• Mii bargat lasidan dihte nuoraid ja ráves olbmuid máhtu priváhtaekonomiijas.
• Mii oasálastit go soamis gii ii leat máksán láiggus galgá ádjejuvvot.
• Mii leat áššedovdieiseváldi mas lea stuora máhttu vealgebidjama váikkuhusain, sihke servodahkii ahte ovttaskas olbmui. Mii doarjut ja ruhtadit sihke iežamet ja olgguldas dutkama lokten dihte máhtu.