Vealgesihkkun – dutnje gii it goassege bastte máksit velggiidat

Don gii leat badjeloaivvi vealgáduvvan, dat mearkkaša leat vealggit maid it goassege bastte máksit, sáhtát oažžut vealgesihkkuma. Muhto don fertet deavdit gáibádusaid.

Mii lea vealgesihkkun?

Vealgesihkkun mearkkaša ahte oažžut máksinplána máksit oasi du velggiin moatti jagi siste, viđa jagis priváhtaolbmuide ja golmma jagis fitnodagaide

Gii sáhttá oažžut vealgesihkkuma?

Jus leat garra vealggi vuolde sáhtát ohcat vealgesihkkuma. Dat guoská sihke priváhtaolbmuid ahte fitnodagaid.

Mat gáibádusat leat vealgesihkkumii?

• Don it mange ládje sáhte máksit velggiidat máŋgga jahkái.
• Dat lea muttolaš go váldá vuhtii du persovnnalaš ja ekonomalaš dili.
• Don orut, barggat ja dus leat vealggit Ruoŧas.
• Dus geas lea ovttaskas fitnodat, ekonomiija fitnodagas galgá leahkit álkit čilgemis.
• Dus ii oaččo leahkit ealáhusgieldu.

Mot dat dáhpáhuvvá?

Oanehaččat dat dáhpáhuvvá ná:

• Don ozat vealgesihkkuma min luhtte min e-bálvalusa bakte dehe deavdimiin skovi. Jus anát dan váttisin- váldde veahki iežat gieldda bušeahtta ja vealgeneavvus.
• Mii dutkat deavddátgo gáibádusaid vealgesihkkuma oažžumii. Jus dagat dan mii dahkat preliminára mearrádusa vealgesihkkuma álggaheamis ja man veardde don galggat máksit.
• Don galggat álggahit vealggát máksima juo dalle go oaččut preliminára mearrádusa.
• Mii sáddet evttohusa daidda geasa dus lea ruhtavealgi, masa sii galget vástidit. Evttohus siskkilda buot velggiid mat dus leat go álggahat máksima.
• Áiggi mielde oaččut loahpalaš mearrádusa mis mii muitala got du vealgesihkkun dáhpáhuvvá.
• Don mávssát máksinplána jelgii. Jus ealát minimabirgenlágis sáhtát oažžut mearrádusa máksinplánahaga. Dalle it mávsse maidege iežat velggiin. Spiehkastat lea jus leat ožžon vealgesihkkuma fitnodateaiggádin, dalle fertet álo máksit plánat jelgii.
• Go vealgesihkkun lea válmmas, dábálaččat viđa jagi geažis priváhtaolbmuide ja golmma jagi geažis fitnodateaiggádiidda, dus eai leat šat dat vealggit mat gullojedje du vealgesihkkumii.