Jus it mávsse vealggi don sáhtát oažžut máksinmuittuhusa

Jus dus lea vealgi man it mávsse don sáhtát oažžut máksinmuittuhusa- dehe cuigehusa dego dat dávjá gohčoduvvo. Dat leat luohtodiehtofitnodagat geat fuolahit máksinmuittuhusaid. Don galggat jorgasit sin beallái jus dus leat jearaldagat mii lea dagahan dihto máksinmuittuhusa.

Manin sáhtát oažžut máksinmuittuhusa?

Go dus lea vealgi man it mávsse sáhttá dat gii háliida mávssu váldit veahki Ruvnnafálddis. Vehá gearddiinis du vealgi registrerejuvvo min registerii. Dalle luohtodiehtofitnodagat sáhttet viežžat dan dieđu mis ja dat mearkkaša ahte leat ožžon máksinmuittuhusa.

Go guoská priváhtaolbmuid geat eai leat ealáhusbargit, mii eat guođe dieđu vealggis almmolaš áššin, dat mearkkaša velggiid mat gusket omd. mávssekeahtes vearuid, sáhkuid dehe ealihandoarjaga, ovdalgo máksináigi (guite-áigi) lea gollán, ja vealgi lea ain mávssitkeahttá. Dat mearkkaša ahte priváhtaolbmuin lea guokte vahku áigi máksit ovdalgo omd. vearrovealgi dagaha máksinmuittuhusa.

Mot dieđát leago dus muittuhus?

Don sáhtát álkit váldit sealvvi leago dus muittuhus váldimiin aktavuođa luohtodiehtofitno-dagaiguin.

Mii eat sáhte vástidit du jearaldagaide máksinmuittuhusain. Daningo máksinmuittuhussii sáhttet váikkuhan dáhpáhusat maiguin Ruvnnafálddis ii leat miige dahkamuš.

Gii sihkku eret muittuhusa?

Luohtodiehtofitnodagat dat sihkkot eret du muittuhusa.