Du vealgi sáhttá leat jávohisvuođa geatnegasvuođa vuoláš

Don sáhtát oažžut jávohisvuođageatnegasvuođa vealggis mii lea min luhtte. Dat soaitá guoskat earánai áššiid mat leat min luhtte,omd. ádjima. Dalle bargu ii leat šat almmolaš. Dat mearkkaša ahte mii eat almmostahte barggu.

Mot barggat vai oaččut jávohisvuođa geatnegasvuođa?

Don it sáhte ohcat jávohisvuođageatnegasvuođa. Vealgi šaddá lunddolaččat jávohisvuođageatnegasvuođa vuoláš min luhtte jus dihto gáibádusat leat devdojuvvon. Jus vealgi merkejuvvo jávohisvuođageatnegasvuođa vuolážin galgá vealgi sihkkojuvvot luohtodiehtofitnodagain.

Mat gáibádusat galget leat devdojuvvon?

Beare dat vealggit mat leat leamaš bearrama dihte Ruvnnafálddi luhtte mat sáhttet oažžut jávohisvuođageatnegasvuođa. Juovlamánu 2018 rájis njuolggadusat leat jávohisvuođageatnegasvuođas rievdan.

Čuovvovaš eavttut galget devdojuvvot vai dieđut vealggis galget leat jávohisvuođageatnegasvuođa vuolažat:

• Dus ii leat vealgi mii lea registrerejuvvon maŋemus guovtti jagi siste.
• Don leat máksán vealgesupmi, sihke reanttu, vejolaš ájihanmávssu ja vuođđomávssu, molssaeaktun ahte dat gii lea háliidan mávssu lea geassán eret ášši.
• Don it oaččo ođđa vealggi čuovvovaš guovtti jagi siste maŋŋel go vealgi lea šaddan jávohisvuođageatnegasvuođa vuolážin.

Jus leat máksán vealggi mii guoská mávssekeahtes vearuid, ealihandoarjaga dehe sáhkuid(almmolaš velggiid) almmuhusáiggi siste dieđut bohtet álo leahkit jávohisvuođageatnegasvuođa vuolážat. Dat guoská beare fysalaš olbmuid, dat mearkkaša priváhtaolbmuid geat eai leat ealáhusbargit, ja beare vealggit stáhtii, gildii dehe eanadiggái mat leat registrerejuvvon Ruvnnafálddis maŋŋel juovlamánu vuosttaš beaivve 2018.

Jávohisvuođageatnegasvuođanjuolggadusat gusket vaikko boađále eará vealggit čuovvovaš guovtti jagi siste. Jus leat máksán vealggi almmuhusáiggi maŋŋel ja oaččut ođđa vealggi ovddit vealgi massá jávohisvuođageatnegasvuođasuoji easka jus it mávsse ođđa vealggi almmuhusáiggi siste.

Dieđut mat eai goasse sáhte šaddat jávohisvuođageatnegasvuođa vuolážin

Gávdnojit maid dieđut mat leat leamaš Ruvnnafálddi luhtte mat eai sáhte oažžut jávohisvuođageatnegasvuođa. Dat gusket velggiid priváhtaolbmuide ja fitnodagaide. Dát vealggit nanostahtto min luhtte mearrádusain, ng. duomuin. Duopmu ii goassege sáhte šaddat jávohisvuođageatnegasvuođa vuolážin.

Min mearrádusat, omd. raporta min du bohtosiid čielggadusas dehe mearrádus bággobearramis, ii maid sáhte šaddat jávohisvuođageatnegasvuođa vuolážin. Dakkár mearrádusa don sáhtát vealtit dakkaviđe máksimiin vealggi nu ahte mii eat dárbbat dahkat mangelágan čielggadusa.

Mii dáhpáhuvvá jus it deavdde gáibádusaid?

Jus it deavdde gáibádusaid du vealgi lea almmolaš olbmuide.

Eanet dieđu ja listtu luohtodiehtofitnodagain gávnnat Diehtodárkkástusa webbabáikkis.