Borčiskoro iranibaskoroplani – tuke so nikad našti te platine tle borčija

Tu so sian učhardo taro borčija, mangela te phenel pe kaj isi tut borčija so nikad našti te platine, šaj dela pe tuke borčiskoro iranibaskoroplani. Ama tu mora te phere disave preduslovija.

Soj odova borčiskoro iranibaskoroplani?

Jek borčiskoro iranibaskoroplani značinela kaj dela pe tuke jek platibaskoro plani disave beršenge kaj te šaj te platine jek kotor taro tle borčija, pandž berša prifatno dženenge hem trin berša e firmenge. O resto so ačhla taro borči na trebela te platine.

Kaske šaj dela pe borčiskoro iranibaskoroplani?

Te isi tut čače but borčija tegani šaj te rode borčiskoro iranibaskoroplani. Odova i sar prifatno dženenge adžahar hem firmenge.

Save i o preduslovija bašo borčiskoro iranibaskoroplani?

• Tu našti te platine disar tle borčija beršencar.
• Odova i ko jekhipa tle personalno hem ekonomikane situaciaja.
• Tu bešeja ja pale tut isi tut borčija ki Švedija.
• Tut so isi firma ka trebel e firmakiri ekonomija lokhe te šaj kontrolirinel pe.
• Tut na trebela te ovel firmakirizabrana.

Sar kerela pe odova?

Ko kratko odova džala adžahar:

• Tu rodea amende bašo borčeskoro iranibaskoroplani ko amaro elektrikano servizi ja pale odolea so pherea jek formulari. Te mislinea kaj i komplicirimo le pomoč ki tli komuna taro manuš so kerela sar budžeteskoro hem borčiskoro godideari.
• Amen kontrolirinaja dali phereja akala preduslovija bašo borčiskoro iranibaskoroplani. Te phereja odova tegani amen anaja jek privremeno rešenje kaj šaj te la te kera o borčeskoroiranibaskoroplani hem kobor ka platine.
• Tu ka le te platine o borči panda keda anela pe o privremeno rešenje.
• Amen bičhalaja jek predlog okolenge so sian borči love hem ola trebela te odgovorinen ko odova. Ko predlog khuvena sa o borčija so isi tut hem keda ka le te platine.
• Palo jek vreme avela tuke amendar jek paluno rešenje kori so terdžola sar ka kerel pe tlo borčeskoro iranibaskoroplani.
• Tegani tu platineja palo jek platibaskoro plani. Te dživdinea ko egzistencijakoro minimumi šaj anela pe tuke rešenje bizo platibaskoro plani. Tegani na platineja diso taro tle borčija. Ama te isi tut firma hem te andža pe tuke rešenje bašo borčengoro iranibaskoroplani, tegani tu mora te platine palo plani
• Keda o borčeskoro iranibaskoroplani i kerdo, obično e prifatno dženenge i pandž berša a e firmenge trin berša, tegani nane poviše borčija so khuvena ko tlo borčengoro iranibaskoro plani.