Sulla jollako oon velkoja elikkä joka halvaat saaja makson saatat saaja tukea meiltä

Tervetuloa Kruunufouthiin. Met olema yks viranomhainen joka oon töissä veloitten kansa. Onkos sulla velkoja joitako sie et saata maksaa elikkä halvaatkos sie saaja apua ette saaja makson? Silloin sie olet tullu oikein.

Met emmä ole kenheen puolta. Se merkittee ette met annama tukea sulle jollako oon velkaa ja piät maksaa, ja huolehtimma ette se tapahtuu oikeuenvarmala laila. Mutta met tehemä kansa työtä ette sulla, jollako oon oikeus saaja makson, sie saat sen niin hoppua ko maholista.

Täälä sie saat tietoa kunka met parriimalla laila saatama tukea sinua, mitä sie piät hunteerata ko sie tarttet meän apua, mitä preivit jokka sie olet saanu merkittevät ja kunka sie saatat ottaa yhtheyttä meän kansa.