Jos sinun yritys oon menny konkurshiin met valvoma ette kaikki tehhään oikein

Yritykselle jollako oon vaikea maksaa räkinkiä, oon eri teitä mennä ette löytää ratkasun. Joskus ainua tie ulos oon ette hakea konkursin. Konkursissa met huolehtimma ette konkursi hoijethaan oikeala laila.

Mikäs Kruunufoutin tehtävä oon konkursissa?

Yks meän tehtävistä oon ette tarkastaa konkursitten hoitoa, niin ette konkursipesän varoja hantteerathaan oikeala laila:

• Jos oon vastaväitöksiä kunka konkursia hoijethaan met saatama vaatia ette se joka hantteeraa sinun konkursia saapii vähempi maksoa.
• Met piämä kansa huolehtia ette konkursi lopetethaan niin hoppua ko maholista.
• Jos yrityksellä oon työläisiä mutta rahat ei riitä ette maksaa palkkaa, niilä oon suoja valtiolisen palkkakarantiin kautta. Se merkittee ette valtio saattaa maksaa palkan sinun työläisille. Se oon kyse palkasta jonka net tienasit kolme kuukautta ennen ko kunkursihakemus jätethiin sisäle käräjäoikeutheen.
• Mat tarkastamma ette konkursihoitajitten käsittely palkkakarantiistä tehhään oikeala laila.