אונדזערע אויפֿגאַבעס

מיר האָבן קלאָרע דירעקטיװן װאָס שײך אונדזערע אויפֿגאַבעס. מיר העלפֿן די װאָס האָט נישט געקראָגן קײן באַצאָלונג און שטיצן די װאָס האָט נישט גענוג געלט כּדי צו באַצאָלן. די רעגירונג באַשטימט יעדעס יאָר װי אַזוי מיר זאָלן זיך אָנפֿירן מיט אונדזער אַרבעט און װעלכע אויפֿגאַבעס מיר זאָלן פּריאָריטירן.

אויפֿגאַבעס פֿון דער רעגירונג

די רעגירונג דערקלערט אונדזערע אויפֿגאַבעס אין דער פֿאַראָרדענונג מיט אינסטרוקציעס פֿאַר דער דורכפֿיר־אַגענטור. אינעם כּלל־בריװ איז דאָ אינפֿאָרמאַציע װעגן װי אַזוי מיר זאָלן זיך אָנפֿירן מיט אונדזער אַרבעט און װעלכע אויפֿגאַבעס מיר זאָלן פּריאָריטירן אין משך פֿונעם אַקטועלן יאָר. די רעגירונג װיל אַז מיר זאָלן:

• באַטײליקן זיך אין פֿאַרזיכערן די פֿינאַנצירונג פֿון דעם עפֿנטלעכן סעקטאָר.
• באַטײליקן זיך אין שאַפֿן אַ גוטע געזעלשאַפֿט װאָס אַרבעט פֿאַר אי בירגער אי פֿירמעס.
• פֿאַרהיטן פֿאַרברעכערײַ

מיר האָבן די אָ אויפֿגאַבעס צוזאַמען מיט דער שטײַער־אַדמיניסטראַציע און דעם צאָלאַמט.

װי אַזוי טוען מיר?

מיר פֿירן אָן מיט אונדזערע אויפֿגאַבעס דורך פֿאַרזיכערן אַז מע באַצאָלט די װאָס האָט אַ רעכט צו קריגן אַ באַצאָלונג. װער נײטיקט זיך אין אונדזער הילף? עס קען זיך האַנדלט װעגן מלוכישע אַדמיניסטראַציעס, קאָמונעס, פֿירמעס אָדער פּשוטע מענטשן.

מיר העלפֿן אויך די װאָס מוזן באַצאָלן אַ חובֿ כּדי צו פֿאַרזיכערן אַז עס געשעט לויט דער געזעצלעכער אָרדענונג. צוליב דעם אַרבעטן מיר צו פֿאַרהיטן שװערע חובֿות, אָנבאָטן חובֿ־אויסרײניקונג און העלפֿן מיט קאָנפֿליקטן װעלכע האָבן נישט צו טאָן מיט באַצאָלונגען, למשל עקסמיסיעס.

מיר האָבן קײן מאָל נישט קײן פּניה.

צי האָבן מיר אויך אַנדערע אויפֿגאַבעס?

יאָ, מיר האָבן אַ סך אַנדערע אויפֿגאַבעס. דאָ זײַנען אַ פּאָר בײַשפּילן פֿון די דאָזיקע אַנדערע אויפֿגאַבעס:

• דער מיט שװערע חובֿות קען אַפּליקירן אויף חובֿ־אויסרײניקונג. מיר העלפֿן אים קומען צוריק צום געזעלשאַפֿטלעכן לעבן, אָן קײן חובֿות.
• מיר אַרבעטן צוזאַמען מיט אַנדערע מלוכישע אַדמיניסטראַציעס, פֿירמעס און אָרגאַניזאַציעס, כּדי מיר זאָלן פֿאַרקלענערן דעם צאָל מענטשן מיט פּערמאַנענטע פּראָבלעמען װען ס'קומט צו באַצאָלן חובֿות.
• מיר קאָנטראָלירן װי אַזוי די אָנפֿירערס פֿון אַן עקסמיסיע אַרבעטן.
• מיר אַרבעטן כּדי יוגנט און דערװאַקסנע זאָלן װיזן מער װעגן דער פּריװאַטער עקאָנאָמיע.
• מיר זײַנען דאָ אין משך פֿון עקסמיסיעס צוליב דעם װאָס מע האָט נישט באַצאָלט דירה־געלט.

מיר זײַנען מבֿנים װאָס שײך חובֿות און די עפֿעקטן פֿון חובֿות, אי װען ס'קומט צו געזעלשאַפֿט אי אינדיװידן. מיר שטיצן און פֿינאַנצירט פֿאָרשונג װעגן חובֿות כּדי מיר זאָלן װיזן אַפֿילו מער.